"Qalatasaray"ın futbolçusu əməliyyat edilib

Türkiyənin "Qalatasaray" klubunun futbolçusu Serjiu Oliveyra əməliyyat edilib.

"Report" xəbər verir ki, bu barədə İstanbul təmsilçisinin rəsmi saytı məlumat yayıb.

31 yaşlı yarımmüdafiəçi döş qəfəsinin sağ əzələsinin qopması səbəbindən cərrahi müdaxiləyə ehtiyac duyub.

Portuqaliyalı oyunçunun səhhətinin yaxşı olduğu bildirilib.

Qeyd edək ki, Serjiu Oliveyra 2022-ci ildən "Qalatasaray"da çıxış edir.