İspaniya millisinin yarımmüdafiəçisi Rodri və hücumçusu Alvaro Morata bir oyunluq diskvalifikasiya edilib.

"Sizinxeber.az" UEFA-nın mətbuat xidmətinə istinadən xəbər verir ki, buna səbəb futbolçuların Cəbəllütariqin dövlətçiliyinə qarşı etdikləri hörmətsizlik olub.

UEFA-nın Etika Komissiyası bu hadisəni idmana yaraşmayan hərəkət və futbolun gözdən salınması kimi qiymətləndirib, baş verənləri əsas davranış qaydalarının pozulması hesab edib.

AVRO-2024-ün qalibi adını qazanan İspaniya millisinin üzvləri finaldan sonra qələbəni qeyd edən zaman azarkeşlərlə birlikdə Cəbəllütariqin dövlətçiliyinə qarşı uyğun olmayan mahnı oxuyublar.

Qeyd edək ki, AVRO-2024-ün finalında İspaniya millisi İngiltərə komandasını 2:1 hesabı ilə məğub edib.

Oxşar xəbərlər

İspaniya millisinin üzvünün yeni klubu bəlli olub

La Liqa təmsilçisi Kolumbiya millisinin üzvünü transfer edib

PSJ İspaniya yığmasının futbolçusunu transfer etmək istəyir

Paris-2024: İspaniya millisinin 39 yaşlı basketbolçusu zədələnib

UEFA Cəbəllütariqlə bağlı şüar səsləndirdiklərinə görə Morata və Rodriyə qarşı iş açıb