Fransa klubunun futbolçusu İngiltərə təmsilçisinə keçib

İngiltərənin "Bornmut" klubu Fransa təmsilçisi "Lill"də çıxış edən Bafode Diakiteni heyətinə qatıb.

"Report" xəbər verir ki, bu barədə Premyer Liqa təmsilçisi məlumat yayıb.

24 yaşlı müdafiəçi yeni komandasında "18" nömrəli formanı geyinəcək. Klub oyunçunun keçidi üçün qarşı tərəfə 35 milyon avro ödəyib.

Qeyd edək ki, 2022-ci ildən "Lill"in formasını geyinən Diakite 112 matçda 13 qol və 3 məhsuldar ötürmə ilə yadda qalıb.