Qarabağ”ın futbolçusu Abdullah Zubir avrokuboklarda 100-cü oyununu keçirib.

"Report" Peşəkar Futbol Liqasının mətbuat xidmətinə istinadən xəbər verir ki, 33 yaşlı fransalı yarımmüdafiəçinin yubileyi Çempionlar Liqasının II təsnifat mərhələsinin “Şelburn”la (İrlandiya) cavab görüşünə (1:0) təsadüf edib.

O, qitə kuboklarında 2018-ci ildə debüt edib. Zubir avrokuboklarda yalnız “Qarabağ”ın formasını geyinib.

Yarımmüdafiəçi Çempionlar Liqasında 34, Avropa Liqasında 50, Konfrans Liqasında 16 matça çıxıb. O, bu görüşlərdə vurduğu 14 qolla Azərbaycan klublarının ən yaxşı bombardiridir.

Zubir Azərbaycan klublarının heyətində 100 və daha çox avrokubok oyunu keçirən ilk legionerdir. Ona qədər yalnız üç futbolçu “100”ü arxada qoyub. Bunlar Maksim Medvedev, Qara Qarayev və Rəşad Sadıqovdur.

Oxşar xəbərlər

Emin Mahmudov “Neftçi”də 250-ci oyununu keçirib

Qara Qarayev Azərbaycan çempionatlarında 350-ci oyununu keçirib

Azərbaycan klublarının avrokuboklardakı qələbə sayı 150-yə çatıb

Abdullah Zubir: "Qarabağ"ın heyətində Çempionlar Liqasının Liqa mərhələsində çıxış etməyi çox istəyirəm"

“Neftçi”nin futbolçusu Azərbaycan çempionatlarında 200-cü oyununu keçirib