Milli Mətbuatın 150 illik yubileyi ilə bağlı iyulun 19-20-də Şamaxıda təşkil olunacaq Media Kuboku minifutbol turnirinin püşkatma mərasimi keçirilib.

"Sizinxeber.az" xəbər verir ki, Mətbuat Şurasında təşkil olunan tədbirdə təşkilatçılarla yanaşı, yarışda mübarizə aparacaq komandaların nümayəndələri və rəsmi şəxslər iştirak ediblər.

Mətbuat Şurasının idarə heyətinin üzvü Umud Rəhimoğlu turnirin təşkilatçılarına təşəkkür edib. Bunun Milli Mətbuat Gününə rəng qatacağını bildirib. O, gələcəkdə yarışların Qarabağ bölgəsində də təşkil oluna biləcəyini söyləyib.

Təşkilatçılardan "Yurd Media"nın rəhbəri Murad Əliyev də çıxışında bu turnirin bölgələrə daşınmasının və davamlı olmasının vacibliyini vurğulayıb.

Yarışda 4 - "Ziya", "Kəşkül", "Kaspi" və "Əkinçi" komandaları mübarizə aparacaq.

İlk turda qarşılaşacaq cütlüklər belədir:

"Ziya" - "Kaspi"
"Kəşkül" - "Əkinçi"

Qeyd edək ki, yarış "Yurd Media", İdman Araşdırmalar Mərkəzi, AFFA və Şamaxı Olimpiya Kompleksinin təşkilatçılığı ilə keçiriləcək.

Foto: Mircavid Eminoğlu

Oxşar xəbərlər

Bakıda “Heydər Əliyev kuboku-2025” beynəlxalq turnirinə start veriləcək

Naxçıvanda “Heydər Əliyev Kuboku” uğrunda futzal turniri keçiriləcək

Naxçıvan Muxtar Respublikasının 100 illik yubileyi ilə əlaqədar dövlət qurumları arasında futzal yarışı keçiriləcək

Bakıda keçiriləcək minifutbol üzrə dünya çempionatının püşkatma mərasiminin tarixi bəlli olub

Azərbaycanda təşkil olunacaq minifutbol üzrə dünya çempionatının püşkatma mərasimi keçiriləcək