Özbəkistanlı boksçular Bakıda Azərbaycan millisi ilə hazırlıq keçəcəklər

Özbəkistanın yeniyetmə boksçuları təlim-məşq toplanışı keçmək üçün Bakıya gəliblər.

"Sizinxeber.az" xəbər verir ki, Bahadır Calolov adına boks üzrə ixtisaslaşmış idman məktəbinin yığma komandası Bakı Boks Mərkəzində Azərbaycan millisi ilə birgə hazırlıq keçəcək.

Toplanışa gələn həftə Gürcüstan millisi də qoşulacaq.

Məşqlər Bakıda təşkil olunacaq “Heydər Əliyev kuboku-2025” beynəlxalq turnirinə hazırlıq xarakteri daşıyır.

Qeyd edək ki, “Heydər Əliyev kuboku-2025” mayın 16-21-də keçiriləcək.