Azərbaycan qılıncoynadanı Anna Başta Paris-2024 Yay Olimpiya Oyunlarına lisenziya qazanıb.

"Report"un məlumatına görə, idmançı bu barədə şəxsi instaqram hesabında yazıb.

Sablyaçı turnirdə iştirak etmək hüququ qazandığını vurğulayıb

O, Beynəlxalq Qılıncoynatma Federasiyasının (FIE) universal lisenziyasını əldə edib.

Anna Başta Avropa çempionatı, Dünya kuboku və Qran-prilərdəki çıxışına görə, bu hüquqa sahib olub: “Parisə gedirəm! Buna görə çox sevinirəm. Təsnifat mərhələsindəki zədə üzündən olimpiadaya lisenziya qazana bilmədikdən sonra bu, əla xəbər oldu. Bu qərara görə, FIE təşəkkürümü bildirirəm. Avropa çempionatındakı qələbə, Dünya kuboku və Qran-pridəki çıxışımı nəzərə alsaq, lisenziyaya layiqəm”, - deyə idmançı vurğulayıb.

Oxşar xəbərlər

Mariya Stadnik Paris-2024 Yay Olimpiya Oyunlarına lisenziya qazanıb

Azərbaycan güləşçisi Bakıdakı turnirdə olimpiadaya lisenziya qazana bilməyib - YENİLƏNİB-2

Qaşım Maqomedov: “Azərbaycana lisenziya qazandırdığım üçün çox razıyam”

Azərbaycanın üç güləşçisi Dünya Olimpiya Təsnifat turnirində yarımfinala yüksəlib

Azərbaycan boksçusu lisenziya turnirində ikinci qələbəsini qazanıb