Azərbaycanın 3 sərbəst güləşçisi Rumıniyanın paytaxtı Buxarestdə keçirilən Avropa çempionatında medal qazanıb.

“Report”un məlumatına görə, Maqomedxan Maqomedov (97 kq) gümüş, İslam Bazarqanovla (57) Əli Rəhimzadə (65 kq) bürünc mükafata yiyələniblər.

Avropa çempionu M.Maqomedov finalda Gürcüstan təmsilçisi Givi Matçaraşviliyə məğlub olub. 3-cü yer uğrunda görüşlərdə isə İslam Bazarqanov ukraynalı Kamil Kərimova, Əli Rəhimzadə Fransa idmançısı Həmzət Arsamerzuyevə qalib gəlib.

Bu gün mübarizəyə qoşulan güləşçilərdən 4-ü - Nürəddin Novruzov (61 kq), Turan Bayramov (74 kq), Arseni Cioyev (86 kq) və Georgi Meşvildişvili (125 kq) isə fevralın 18-də bürünc medal uğrunda yarışmaq hüququna yiyələniblər.

Qeyd edək ki, daha əvvəl Azərbaycan millisi Avropa çempionatında ümumilikdə 9 medal qazanıb. Yunan-Roma güləşçilərdən Nihat Məmmədli (60 kq), Murad Məmmədov (63 kq), Həsrət Cəfərov (67 kq) birinci, Rəşad Məmmədov (55 kq), Ülvü Qənizadə (72 kq) ikinci, Beka Kandelaki (130 kq) üçüncü yeri tutub. Qadın güləşçilərdən isə Mariya Stadnik (50 kq) və Alyona Kolesnik (59 kq) qitə çempionu olublar, Elis Manolova (65 kq) bürünc mükafata yiyələnib.

Oxşar xəbərlər

Avropa çempionatı: bu gün 5 güləşçi mübarizəyə qoşulacaq, 3-ü medal görüşünə çıxacaq [xfgiven_updateblue][/xfgiven_updateblue]

“Zaqreb Open”: Azərbaycanın 3 güləşçisi ilk gündə bürünc medal qazanıb [xfgiven_updateblue][/xfgiven_updateblue]

Azərbaycanın daha bir taekvondoçusu BƏƏ-də medal qazanıb [xfgiven_updateblue][/xfgiven_updateblue]

“Zaqreb Open”: Azərbaycan millisinin 3 güləşçisi medal qazana bilməyib [xfgiven_updateblue][/xfgiven_updateblue]

Azərbaycanın daha bir cüdoçusu Qran-pridə medal qazanıb [xfgiven_updateblue][/xfgiven_updateblue]