Şükür ki, əziyyətim yerdə qalmadı.

"Sizinxeber.az" xəbər verir ki, bunu İtaliyanın Kaorle şəhərində keçirilən U-20 Avropa çempionatında qızıl medal qazanmış Azərbaycanın sərbəst güləşçisi Vasif Bağırov (57 kq) deyib.

O bildirib ki, çəkdiyi zəhmət finalda nəticəsiz qalmayıb: "Buna görə məşqçilərimə təşəkkür edirəm. İnşallah, qarşıdan gələn dünya çempionatında da qızıl medal qazanmağa çalışacağam".

Xatırladaq ki, V.Bağırov finalda gürcüstanlı Nika Zanqaladzeylə gərgin mübarizə şəraitində keçən görüşdə əzmkar qələbə qazanıb. İlk hissəni 5:6 hesabı ilə geridə başa vuran Gəncə güləş məktəbinin yetirməsi fasilədən sonra üstünlüyünü təmin edib – 9:6. Beləliklə, ötən il U-20 Avropa çempionatında gümüş medal qazanan V.Bağırov bu dəfə çempion olub.

Oxşar xəbərlər

Avropa çempionatı: Azərbaycanın bir güləşçisi qızıl, digəri gümüş medal qazanıb

Azərbaycan güləşçisi Avropa çempionatının qızıl medalını qazanıb

Azərbaycanın daha bir güləşçisi Avropa çempionatında qızıl medal qazanıb

Azərbaycan cüdoçusu: Çalışacağam ki, dünya çempionatında qızıl medal qazanım

Azərbaycanlı Avropa çempionu: “Hədəfim dünya çempionatında qızıl medal qazanmaqdır”