Azadlıq prospektindən Neftçilər prospektinə çıxışda nəqliyyatın hərəkəti məhdudlaşdırılacaq

24 avqust saat 23:59-dan etibarən Azadlıq prospektindən Neftçilər prospektinə çıxış nəqliyyatın hərəkəti üçün məhdud olacaq.

"Sizinxeber.az" xəbər verir ki, bu barədə Bakı Şəhər Halqası Əməliyyat Şirkəti məlumat yayıb.

Bildirilib ki, məhdudiyyət "Formula 1" Azərbaycan Qran-Prisi 2024-ə hazırlıq çərçivəsində paytaxtın bəzi küçə və prospektlərində quraşdırma işləri ilə bağlıdır.

Qeyd edək ki, 13-15 sentyabr tarixlərində Bakıda "Formula 1" Azərbaycan Qran-Prisi 2024 baş tutacaq.