Aeroport yolunda “Aero ekspress" avtobusu evakuatorla toqquşub, 2 nəfər xəsarət alıb - FOTO - VİDEO - YENİLƏNİB-3

Respublika Təcili və Təxirəsalınmaz Tibbi Yardım Mərkəzinə 05.04.2025-ci il tarixində saat 22:30 radələrində Sabunçu rayonu ərazisindən yol-nəqliyyat hadisəsinin baş verməsi səbəbilə çağırış daxil olub.

Bu barədə APA-ya TƏBİB-dən xəbər verilib.

Çağırış ünvanına təcili tibbi yardım briqadası cəlb olunub.

Təcili tibbi yardım briqadası tərəfindən 2 nəfər (kişi cinsli) müxtəlif dərəcəli bədən xəsarətləri ilə Sabunçu Tibb Mərkəzinə təxliyə olunub.

Qeyd edilib ki, 1964-cü il təvəllüdlü şəxsə baldırın sınığı diaqnozu ilə zəruri tibbi yardımlar göstərilib. Hazırda Müştərək travma şöbəsində müalicəsi davam etdirilir, vəziyyəti stabildir.

1985-ci il təvəllüdlü şəxsə isə qapalı kəllə-beyin travması ilə zəruri tibbi yardımlar göstərilib və dərhal Cərrahi profilli reanimasiya şöbəsinə yerləşdirilib. Hazırda vəziyyəti ağır stabil qiymətləndirilir.

Günay Elşən

***

saat 00.53

Aeroport şosesində baş vermiş qəza nəticəsində xəsarət alanlardan 3 nəfəri Sabunçu rayon 3 Saylı Şəhər Klinik Xəstəxanasına gətirilib.

APA xəbər verir ki, avtobusun sürücüsünün sol aşağı ətrafından ağır xəsarət aldığı bildirilir.

***

00:22

Aeroport yolunda baş vermiş yol-nəqliyyat hadisəsinin təfərrüatları məlum olub.

APA xəbər verir ki, ilkin məlumata görə "Aero ekspress" avtobusu evakuatorla toqquşub.

***

23:56

Xəzər rayonu, Aeroport şosesində yol-nəqliyyat hadisəsi baş verib.

APA xəbər verir ki, bu haqda DİN-in Mətbuat Xidməti məlumat yayıb.

Məlumatda bildirilir ki, qəza səbəbindən mərkəz istiqamətində nəqliyyat sıxlığı yaranıb.

Hazırda polis əməkdaşları hadisə yerindədir və sıxlığın aradan qaldırılması üçün işlər görülür.