Biləsuvarda qəzada ağır yaralanan şəxs dünyasını dəyişib

Biləsuvarda baş verən qəzada yaralanan şəxs xəstəxanada ölüb.

Sizinxeber.az-nın Cənub bürosunun məlumatına görə, hadisə Biləsuvar rayonunda qeydə alınıb.

Belə ki, “VAZ” markalı avtomobillərin toqquşması nəticəsində ağır xəsarət alan sürücülərdən biri, Biləsuvar sakini 1989-cu il təvəllüdlü Rafiq Rəfail oğlu Əhmədov Şirvan Rayon Xəstəxanasının reanimasiya şöbəsinə yerləşdirilib.

Səhər saatlarında həkimlərin bütün səylərinə baxmayaraq onun həyatını xilas etmək mümkün olmayıb.

Faktla bağlı araşdırma aparılır.