Nəsimi rayonunda nəqliyyat vasitəsi qaçıran şəxs saxlanılıb.

Bu barədə APA-ya DİN-in mətbuat xidmətindən məlumat verilib.

Bildirilib ki, Nəsimi rayonu ərazisində bir nəfərə məxsus “Nissan” markalı avtomobilin qaçırılması barədə polisə məlumat daxil olub.

Nəsimi RPİ 19-cu Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən 20 yaşlı X.Kərimov avtomobillə birgə saxlanılıb. Araşdırmalarla saxlanılan şəxsin qaçırdığı avtomobillə qəza törətməsi də müəyyən olunub.

Bundan başqa, Nizami rayonu ərazisində bir nəfərə məxsus 2000 manat dəyərində avtomobil disklərini oğurlamaqda şübhəli bilinən 32 yaşlı V.Əliyev, 31 yaşlı E.Tağıyev və 31 yaşlı S.Ələkbərovun saxlanılması da polis əməkdaşları tərəfindən təmin edilib.

Araşdırmalar aparılır.

Oxşar xəbərlər

Bakı və Sumqayıtda dələduzluqda şübhəli bilinən 3 nəfər saxlanılıb

Yasamal və Abşeronda avtomobil qaçıran şəxslər saxlanılıb

Bakıda iki nəfərə qarşı 12 min manatlıq dələduzluq edilib

Bakıda 3 nəfərin dələduzluqla 14 min manatı ələ keçirilib

Bakı sakininə qarşı 18 min manatlıq dələduzluq olunub