Xocavənd rayonunda 74 mina, 74 qumbara, 110 partladıcı aşkarlanıb, saxlanılan var.

Bu barədə "Sizinxeber.az"a Daxili İşlər Nazirliyinin (DİN) Mətbuat Xidmətinin Bərdə regional qrupundan məlumat verilib.

Bildirilib ki, rayonun Güney Xırman kəndi ərazisindəki tikilinin içərisindən 74 müxtəlif növ mina, 74 müxtəlif növ qumbara, 4 TNT partlayıcısı (trotil), 110 partladıcı, 12 mərmi, 23 mindən artıq patron və digər sursatlar aşkar edilərək aidiyyəti üzrə təhvil verilib.

Bundan başqa, keçirilən əməliyyat tədbirləri nəticəsində tapdığı sursatı polisə təhvil verməyən şəxs də müəyyən edilərək saxlanılıb. Ondan 60 ədəd avtomat patronu aşkarlanaraq götürülüb.

Faktlarla bağlı Xocavənd Rayon Polis Şöbəsində araşdırma aparılır.

Oxşar xəbərlər

Xocavənddə partlayıcı vasitələr aşkar edilib - FOTO

Ötən gün vətəndaşlardan 2 tapança, 5 qumbara, 11 tüfəng götürülüb

Həftəsonu vətəndaşlardan 25 silah və 3 qumbara götürülüb

Xankəndidə 5 avtomat, 8 qumbara aşkarlanıb

Ötən gün vətəndaşlardan 1 avtomat, 11 tüfəng götürülüb