Fərid Səfərli qarşılıqlı prosedur çərçivəsində qaytarılıb.

Sizinxeber.az-nın əldə etdiyi məlumata görə, Fərid Səfərili qarşılıqlı prosedur çərçivəsində Azərbaycanda həbsdə olan İran casusu ilə dəyişdirilib.

Dünən "Facebook" səhifələrində müəyyən xarici dairələr tərəfindən idarə olunan trol ordusunun anidən kütləvi paylaşımları ilə aktivləşməsi əksər sosial şəbəkə istifadəçilərinin və media qurumlarının diqqətindən qaçmayıb.

Belə ki, Fərid Səfərlinin Vətənə qaytarıldığı barədə DTX və XİN-in birgə məlumatından sonra, mənbəyi bilinməyən və hər biri yeni yaradılmış çoxsaylı saxta profillər qeyd olunan xəbərin paylaşıldığı "Facebook" səhifələrini “eyni sözlər”dən ibarət şərhlərlə doldurmağa başladılar.

Şərhlərdə əsasən, “Fərid Səfərlinin casusluq etməsinə baxmayaraq, saxlanıldığı ölkədə ona xoş münasibət göstərildiyi, bununla belə layiq olmadığı halda Azərbaycana qaytarıldığı” bildirilir.

Qohumlarından əldə olunan məlumata əsasən, Almaniyada tələbə olan, getdiyi İranda 2 il həbsdə saxlanılmış Fərid Səfərli əvəzsiz qaydada deyil, Azərbaycanda həbsdə olan İran casusu ilə dəyişdirilməklə və Azərbaycanın öz vətəndaşına verdiyi yüksək dəyərdən irəli gələrək qaytarılıb. Azərbaycan dövlət orqanlarının rəsmi məlumatında deyildiyi kimi, qarşılıqlı prosedur çərçivəsində.

Odur ki, Azərbaycan mühitini tanımadan sosial şəbəkələrin Azərbaycan seqmentinə saysız trolları ilə ideoloji müdaxiləyə cəhd edən kəmfürsət yarımçıq texnoloqlar belə şərhləri ilə Azərbaycan xalqının gözündə nə qədər gülünc göründüklərini bilsələr yaxşıdır.

Oxşar xəbərlər

Fərid Səfərli Azərbaycanda həbsdə olan İran casusu ilə dəyişdirilib

İranda həbsdə olan Fərid Səfərli Azərbaycana qaytarılıb - BİRGƏ MƏLUMAT - FOTO

İranda həbs edilən azərbaycanlı tələbə Fərid Səfərli azad edilib - FOTO

"İranda həbsdə olan Fərid həkimin yazdığı dərmanları qəbul etmir" - Anası DANIŞDI - VİDEO

Nazir Fərid Əhmədov Efiopiyanın Ədliyyə Nazirliyinin ədliyyə məsələləri üzrə dövlət katibi ilə görüşüb