Xəbər verildiyi kimi, Bakı şəhərinin Yasamal rayonu, İzmir küçəsində yerləşən kafedə baş vermiş yanğın Fövqəladə Hallar Nazirliyinin qüvvələri tərəfindən qısa müddətdə söndürülüb.

FHN-dən Sizinxeber.az-ya bildirilib ki, yanğın nəticəsində beşmərtəbəli yaşayış binasının birinci mərtəbəsində yerləşən, sahəsi 150kv.m olan restoranın ümumi sahəsi 96kv.m olan əlavə tikilmiş artırma hissəsinin yanar konstruksiyaları və bitişik, fəaliyyət göstərməyən restoranın ümum sahəsi 70kv.m olan əlavə tikilmiş artırmasının 35kv.m sahədə penoplasdan ibarət dam örtüyü yanıb. Yüksək temperaturdan binanın birinci mərtəbəsində vətəndaşa məxsus ümumi sahəsi 60kv.m olan üçotaqlı mənzilin 2 ədəd pəncərə çərçivəsi deformasiya edib.

Yanğınsöndürənlərin həyata keçirdikləri təcili və təxirəsalınmaz tədbirlər sayəsində restoranların qalan hissəsi, bitişik obyekt və mənzillər yanğından mühafizə olunub.

Yanğın zamanı xəsarət alan olmayıb.

***

20.55

Baklda yanğın zamanı təxliyə həyata keçirilməyib.

Bu barədə Sizinxeber.az-ya DYMX Yanğınsöndürmə qərargahının əməliyyat müvəkkili, daxili xidmət polkovnik-leytenantı Ruslan Pirəlizadə Sizinxeber.az ya bildirib:

“Saat 19.12-də Fövqəladə Hallar Nazirliyinin “112” qaynar telefon xəttinə və yanğınsöndürmə qüvvələrinin idarəetmə mərkəzinə Bakı şəhərinin Yasamal rayonu, İzmir küçəsi 5 ünvanında müxtəlif təyinatlı obyektlərdə yanğın baş verməsi barədə məlumat daxil olub. Dərhal hadisə yerinə yanğından mühafizə xidmətinin bölmələri və xüsusi riskli xilasetmə xidmətinin texnikası və şəxsi heyəti cəlb olunub. 4 dəqiqə ərzində yanğınsöndürmə bölmələri hadisə yerinə çatmış və yanğın kəşfiyyatı zamanı məlum olmuşdur ki, yaşayış binasına bitiçik yüngül konstruksiyalı kafe kimi fəaliyyət göstərən 2 obyekt yanıb. Yanğın nəticəsində kafenin biri və artırma hissəsi 90 m2 tam yanıb, ona bitişik kafenin dam örtüyünün 30 m2 yanıb. Yanğın zamanı xəsarət alan olmayıb, təxliyə baş verməyib” – Pirəlizadə qeyd edib.

***

20.14

Fövqəladə Hallar Nazirliyinin “112” qaynar telefon xəttinə Bakı şəhərinin Yasamal rayonu, İzmir küçəsində kafedə yanğın baş verməsi barədə məlumat daxil olub.

Sizinxeber.az xəbər verir ki, məlumatla əlaqədar FHN-in Dövlət Yanğından Mühafizə Xidməti və Xüsusi Riskli Xilasetmə Xidmətinin qüvvələri dərhal hadisə yerinə cəlb olunub.

Yanğınsöndürənlərin çevik müdaxiləsi sayəsində kafedə baş vermiş yanğın genişlənməsinə imkan verilmədən qısa müddətdə söndürülüb.

***

19.55

Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Yasamal rayonu, İzmir küçəsində restoranda yanğın olması barədə ilkin məlumat daxil olub.

Nazirlikdən Sizinxeber.az-ya verilən xəbərə görə, məlumatla əlaqədar FHN-nin müvafiq xilasetmə qüvvələri çağırış üzrə cəlb olunublar.

Hazırda yanğınsöndürmə işləri həyata keçirilir.

Əlavə məlumat veriləcək.

***

19:49

Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Yasamal rayonu, İzmir küçəsində restoranda yanğın olması barədə ilkin məlumat daxil olub.

Məlumatla əlaqədar FHN-nin müvafiq xilasetmə qüvvələri çağırış üzrə cəlb olunublar.

Hazırda yanğınsöndürmə işləri həyata keçirilir.

Əlavə məlumat veriləcək

***

19:49

İzmir küçəsində restoranda baş verən yanğın məhdudlaşdırılıb.

Bu barədə Sizinxeber.az-ya Fövqəladə Hallar Nazirliyindən məlumat verilib.

Bildirilib ki, hazırda yanğının tam söndürülməsi istiqamətdə işlər aparılır.

***

19:19

Bakıda restoranda yanğın başlayıb.

Sizinxeber.az xəbər verir ki, hadisə "Hyyat Regency" hoteli qarşısında baş verib.

Hazırda hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları cəlb edilib.

Fövqəlada Hallar Nazirliyindən Sizinxeber.az-ya bildirilib ki, Nazirliyin "112"-i qaynar telefon xəttinə Yasamal rayonu, İzmir küçəsində restoranda yanğın baş verməsi ilə bağlı məlumat daxil olub və hazırda Dövlət Yanğından Mühafizə Xidmətinin yanğınsöndürənləri hadisə yerinə cəlb edilib. Hazırda yanğının söndürülməsi istiqamətində əməliyyat keçirilir.

Oxşar xəbərlər

FHN Binəqədidə inzibati binada yanğınla bağlı məlumat yayıb - VİDEO [xfgiven_updateblue][/xfgiven_updateblue]

Bakıda yaşayış binasında yanğın olub [xfgiven_updateblue][/xfgiven_updateblue]

Binəqədidə ev yanıb [xfgiven_updateblue][/xfgiven_updateblue]

Daşkəsən şəhərində binada partlayış baş verib, xəsarət alan olmayıb - VİDEO [xfgiven_updateblue][/xfgiven_updateblue]

Qaradağda mağazada yanğın olub [xfgiven_updateblue][/xfgiven_updateblue]