Ağdamda ər arvadına bıçaqla xəsarət yetirərək hadisə yerindən qaçıb.

APA-nın yerli müxbirinin xəbərinə görə, hadisə rayonun Bənövşələr qəsəbəsində, ailə münaqişəsi zəminində baş verib.

Belə ki, münaqişə nəticəsində ər 1975-ci il təvəllüdlü Həsənov Rüstəm Yaqub oğlu, həyat yoldaşı, 1988-ci il təvəllüdlü Həsənova Mənzər Əncuma qızına bıçaq xəsarəti yetirib.

H.Rüstəm hadisə yerindən qaçıb. Ağdam rayon polis şöbəsinin əməkdaşları hadisəni törətməkdə şübhəli bilinən şəxsin axtarışlarını davam etdirir.

Yaralı M.Həsənova rayon mərkəzi xəstəxanasına çatdırılıb. Ona ilkin tibbi yardım göstərilib. Xəstəxanadan əldə olunan məlumata görə, yaralı sol əlin beşinci barmağının 1.5 sm dərinliyində kəsilmiş-deşilmiş yarası ilə xəstəxananın təcili yardım şöbəsinə gətirilib.

Onun həyatı təhlükəsinin olmadığı bildirilir.

Oxşar xəbərlər

Sumqayıtda bıçaqlanma olub - YENİLƏNİB 1

Lənkəranda 43 yaşlı kişi bıçaqlanıb - YENİLƏNİB

Sumqayıtda kişi xəstəxanada yatan qardaşı arvadını palatada qətlə yetirib - YENİLƏNİB-1

Lənkəranda 43 yaşlı kişi bıçaqlanıb - FOTO - YENİLƏNİB

Göygöldə qardaş qardaşı bıçaqlayıb