Şirvan şəhərində 15 min manat pulu dələduzluq yolu ilə ələ keçirməkdə təqsirləndirilən Fərhad Xəlilov həbs edilib.

Bu barədə “Report”a Daxili İşlər Nazirliyinin (DİN) Mətbuat xidmətinin Şirvan regional qrupundan məlumat verilib.

Bildirilib ki, Şirvan Şəhər Polis Şöbəsinin əməkdaşları tərəfindən keçirilən tədbirlərlə dələduzluq etməkdə şübhəli bilinən Fərhad Xəlilov saxlanılıb:

"Saxlanılan şəxs zərərçəkənlərin etibarından sui-istifadə edərək onlara yüksək məvacibli işlə təmin olunmalarında köməkliklər göstərəcəyi barədə yalan vədlər verib. F.Xəlilov ümumilikdə 15 min manat pulu dələduzluq yolu ilə ələ keçirib. F.Xəlilov barəsində məhkəməsinin qərarı ilə həbs qətimkan tədbiri seçilib. Saxlanılan şəxsin əməllərindən zərərçəkən başqa vətəndaşlar varsa, bu barədə polisə məlumat verə bilərlər".

Oxşar xəbərlər

Sabirabadda dələduzluq edən şəxs saxlanılıb

Sabirabadda 135 min manatı ələ keçirməkdə ittiham olunan şəxs həbs edilib

Şirvan sakininin ev satmaq adı ilə 40 min manatını ələ keçirməkdə təqsirləndirilən şəxs həbs olunub

Ev satmaq adı altında dələduzluq etdiyi üçün axtarışda olan şəxs saxlanılıb

Ev satmaq adı altında 40 min manatı ələ keçirməkdə şübhəli bilinən şəxs həbs olunub