Külli miqdarda dələduzluqda ittiham olunan, daha sonra məhkəmə tərəfindən bəraət alan şəxs yenidən həbs edilib.

"Sizinxeber.az" xəbər verir ki, Bakı Ağır Cinayətlər Məhkəməsinin hökmü ilə bəraət alan Məhərrəmov Vüqar Elşad oğlu barəsində prokurorun verdiyi prostestə baxılıb.

Bakı Apellyasiya Məhkəməsində hakim Həsən Əhmədovun sədrliyi ilə keçirilən prosesdə qərar elan olunub.

Qərara əsasən, prokurorun protesti haqlı hesab edilərək təmin edilib.

Belə ki, Vüqar Məhərrəmovla bağlı Bakı Ağır Cinayətlər Məhkəməsi tərəfindən verilən bəraət hökmü ləğv edilib. Yeni hökm ilə V. Məhərrəmov 5 il 6 ay müddətinə azadlıqdan məhrum edilib və məhkəmə zalından həbs edilib.

Qeyd edək ki, V.Məhərrəmov 92 min manat dələduzluq etməkdə ittiham olunur. Ona Cinayət Məcəlləsinin 178.3.2-ci (dələduzluq, külli miqdarda ziyan vurduqda) maddəsi ilə ittiham olunur.

Oxşar xəbərlər

Məhkəmə 500 min manatdan çox dələduzluqda ittiham olunan univerisitet müəllimi və dostu barədə qərar qəbul edib

Rüşvət alan gömrükçü haqda fərqli qərarlar - Azadlığa buraxıldı

Ermənistana casusluq etməkdə təqsirləndirilən şəxsin məhkəməsi başladı

Külli miqdarda mənimsəmədə ittiham olunan “SOCAR-AQŞ”nin sabiq baş direktorunun məhkəməsi başlayıb

Bakıda 800 minlik dələduzluq: 3 dövlət qurumu zərər gördü