Laçın rayonu ərazisində Azərbaycan Ordusunun dörd hərbi qulluqçusunun - Asif Qəhrəman oğlu Emnalıyev, Tural Maşallah oğlu Səmədov, Emin Oqtay oğlu Şahmarlı və Fərid Famil oğlu Cəbrayılovun meyitlərinin aşkar edilməsi barədə Qubadlı Hərbi Prokurorluğuna məlumat daxil olub.

Bu barədə BAKU.WS-ə respublika hərbi prokurorunun böyük köməkçisi, Hərbi Prokurorluğun Mətbuat Xidmətinin rəhbəri Firad Əliyev məlumat verib.

"Daxil olmuş məlumat əsasında Qubadlı Hərbi Prokurorluğunun və Azərbaycan Respublikası Hərbi Prokurorluğunun Kriminalistika və İnformasiya Texnologiyaları idarəsinin əməkdaşları tərəfindən hadisə yerinə və meyitlərə baxış keçirilib, iş üçün əhəmiyyət kəsb edən predmetlər maddi sübut kimi götürülüb, müvafiq ekspertizalar təyin edilərək, icraya yönəldilib, eləcə də izahatlar alınıb və digər hərəkətlər icra edilib.

Hazırda Qubadlı Hərbi Prokurorluğunda araşdırma davam etdirilir və qanunvericiliyin tələblərinə uyğun olaraq bütün tədbirlərin görülməsi təmin olunacaq", - məlumatda deyilir.

***14:25

İyulun 30-u xidmətdən kənar saatlarda Laçın rayonu ərazisində kükürd qazlı termal sularda çimərkən ilkin ehtimala görə zəhərlənən Azərbaycan Ordusunun hərbi qulluqçuları kapitan Emnalıyev Asif Qəhrəman oğlu, gizir Cəbrayılov Fərid Famil oğlu, müddətdən artıq həqiqi hərbi xidmət hərbi qulluqçuları çavuş Səmədov Tural Maşallah oğlu və çavuş Şahmarlı Emin Oqtay oğlunun meyitləri aşkar edilib.

BAKU.WS xəbər verir ki, bu barədə Müdafiə Nazirliyindən bildirilib.

MN faktı təsdiq edib.

Müdafiə Nazirliyinin rəhbərliyi vəfat edən hərbi qulluqçularımızın ailələrinə və yaxınlarına dərin hüznlə başsağlığı verir, səbir diləyir.

Allah rəhmət eləsin!

BAKU.WS

Oxşar xəbərlər

Laçında hərbçilərin həlak olduğu yerə baxış keçirilib, araşdırma aparılır - YENİLƏNİB [xfgiven_updateblue][/xfgiven_updateblue]

Azərbaycanın 4 hərbçisi Laçında kükürd qazlı sularda çimərkən zəhərlənərək vəfat edib, araşdırma aparılır - YENİLƏNİB [xfgiven_updateblue][/xfgiven_updateblue]

Əsgərimiz təlim zamanı odlu silahdan açılmış atəş nəticəsində öldü - RƏSMİ [xfgiven_updateblue][/xfgiven_updateblue]

Azərbaycan Ordusunun hərbçisi özünü güllələyərək öldürüb [xfgiven_updateblue][/xfgiven_updateblue]

Azərbaycan Ordusunun əsgəri özünü odlu silahla öldürüb [xfgiven_updateblue][/xfgiven_updateblue]