Ağdərədə minaya düşən şəxsin ayağı amputasiya edilib, vəziyyəti ağır qiymətləndirilir.

"Sizinxeber.az"un Qarabağ bürosuna bu barədə Bərdə Rayon Mərkəzi Xəstəxanasının cərrahı Hafiz Əliyev məlumat verib.

Ağdərədə minaya düşən şəxs Tərtər Rayon Mərkəzi Xəstəxanasına hospitalizasiya olunub.

Bu barədə "Sizinxeber.az"un sorğusuna cavab olaraq TƏBİB-dən bildirilib.

Məlumata əsasən, ilkin tibbi yardım göstərilən pasiyent daha ixtisaslı tibbi xidmət almaq üçün Bərdə Rayon Mərkəzi Xəstəxanasına təxliyə edilib.

Sol aşağı ətrafın aşıq baldır oynağı səviyyəsində travmatik amputasiyası diaqnozu təyin edilən şəxs üzərində cərrahi əməliyyat icra olunacaq.

Hazırda müvafiq şöbədə müalicəsi davam etdirilir, vəziyyəti ağırdır.

Ağdərə rayonunun Həsənqaya kəndi ərazisində iyulun 10-da mina hadisəsi baş verib.

"Sizinxeber.az" xəbər verir ki, bu barədə Azərbaycan Daxili İşlər Nazirliyi (DİN), Baş Prokurorluğu və Minatəmizləmə Agentliyinin (ANAMA) Mətbuat Xidmətləri birgə məlumat yayıb.

Məlumata əsasən, 1979-cu il təvəllüdlü Quluyev Qulu Tufan oğlu minalardan təmizlənməmiş Həsənqaya kəndi ərazisində mal-qara otararkən piyada əleyhinə mina partlayışı nəticəsində sol ayağından xəsarət alıb.

Faktla bağlı Tərtər Rayon Prokurorluğunda araşdırma aparılır.

Ağdərədə 46 yaşlı kişi minaya düşüb.

"Sizinxeber.az"un Qarabağ bürosunun xəbərinə görə, Şıxarx sakini 1979-cu il təvəllüdlü Quliyev Qulu Tufan oğlu rayonun Həsənqaya adlı ərazisində mal-qara otararkən minaya düşüb.

Yaralı Tərtər Mərkəzi Rayon Xəstəxanasına çatdırılıb.

Faktla bağlı araşdırma başlanıb.

Oxşar xəbərlər

Ağdərədə minaya düşən şəxsin vəziyyəti açıqlanıb - YENİLƏNİB

Ötən gün Cəbrayılda minaya düşən şəxsin sol ayağı amputasiya edilib

Ötən gün Ağdamda minaya düşən polisin son vəziyyəti açıqlanıb

Cəbrayılda minaya düşən ANAMA əməkdaşının ayağı amputasiya olunub

Minaya düşən Ağdam sakininin vəziyyəti ağırdır - YENİLƏNİB