Bu gün saat 08:30 radələrində 1979-ci il təvəllüdlü şəxs (kişi cinsli) Tərtər Rayon Mərkəzi Xəstəxanasına hospitalizasiya olunub.

Bu barədə Sizinxeber.az-nın sorğusuna cavab olaraq, TƏBİB-dən məlumat verilib.

Bildirilib ki, ilkin tibbi yardım göstərilən pasiyent daha ixtisaslı tibbi xidmət almaq üçün Bərdə Rayon Mərkəzi Xəstəxanasına təxliyə edilib.

Sol aşağı ətrafın aşıq baldır oynağı səviyyəsində travmatik amputasiyası diaqnozu təyin edilən şəxs üzərində cərrahi əməliyyat icra olunacaq. Hazırda müvafiq şöbədə müalicəsi davam etdirilir, vəziyyəti ağırdır.

***

09:35

Ağdərə rayonunun Həsənqaya kəndi ərazisində 2025-ci il 10 iyul tarixində mina hadisəsi baş verib.

Bu barədə Sizinxeber.az-ya Daxili İşlər Nazirliyi, Baş Prokurorluğu və Minatəmizləmə Agentliyinin (ANAMA) Mətbuat Xidmətlərindən məlumat verilib.

Bildirilib ki, 1979-cu il təvəllüdlü Quluyev Qulu Tufan oğlu minalardan təmizlənməmiş Həsənqaya kəndi ərazisində mal-qara otararkən piyada əleyhinə mina partlayışı nəticəsində sol ayağından xəsarət alıb.

Faktla bağlı Tərtər rayon prokurorluğunda araşdırma aparılır.

***

09:05

Ağdərədə mina hadisəsi baş verib.

Sizinxeber.az-nın yerli bürosunun əldə etdiyi ilkin məlumata görə, hadisə Ağdərə rayonu ərazisində qeydə alınıb.

Belə ki, Şıxarx qəsəbə sakini Quliyev Qulu Tufan oğlu mina partlaması nəticəsində xəsarət alıb.

Hadisə yerinə hüquq-mühafizə orqanları əməkdaşlarının cəlb olunduğu bildirilir.

Oxşar xəbərlər

Ağdamda ata, azyaşlı oğlu və qızı minaya düşüb, kişinin ayağı amputasiya olunub - YENİLƏNİB

Minaya düşən Ağdam sakininin vəziyyəti ağırdır - YENİLƏNİB

Ağdərədə mina partlayıb, xəsarət alan var - YENİLƏNİB

Cəbrayılda minaya düşən ANAMA əməkdaşının ayağı amputasiya olunub

Ağdərədə 46 yaşlı kişi mal-qara otararkən minaya düşüb - BİRGƏ MƏLUMAT - YENİLƏNİB