Goranboyda minik avtomobili gölə aşıb

Goranboyda yol-nəqliyyat hadisəsi baş verib.

Sizinxeber.az-nın yerli bürosunun məlumatına görə hadisə rayonun Ağcakənd-Börü yolunda qeydə alınıb.

Belə ki, Laçın rayon sakini 1999-cu il təvəllüdlü T. İsayev idarə etdiyi “Niva” markalı minik avtomobili ilə hərəkətdə olan zaman idarəetmədən çıxaraq yol kənarındakı gölə düşüb.

Məlumata görə gölə düşən avtomobilin sürücü hadisə yerindən yayınıb. Onun haqqında hələ ki, heç bir məlumat yoxdur.

Hadisə yerinə hüquq mühafizə orqanların əməkdaşları cəlb edilib.