Cəlilabadda avtomobil aşıb, xəsarət alanlar var - FOTO

Cəlilabadda yol qəzası baş verib.

APA-nın cənub bürosunun verdiyi xəbərə görə, hadisə yeni Ələt-Astara magistralında, Cəlilabad rayonunun Göytəpə şəhəri ərazisində qeydə alınıb.

Minik avtomobili idarəetməni itirərək aşıb. Qəza nəticəsində sürücü və avtomobildə olan sərnişin xəsarət alıb.

Xəsarət alanlar Cəlilabad Rayon Mərkəzi Xəstəxanasına çatdırılıblar.

Faktla bağlı araşdırma aparılır.