Ombudsman nümayəndələri Suriyadan repatriasiya olunmuş şəxslərlə görüşüblər.

Bu barədə "Sizinxeber.az"a Ombudsman Aparatından məlumat verilib.

Bildirilib ki, Aparatın əməkdaşları Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sosial xidmət müəssisəsinə yerləşdirilmiş həmin repatriantlarla görüş keçirib, onların hüquqlarının təmin olunması vəziyyəti araşdırılıb.

Eyni zamanda, müəssisə rəhbəri və əməkdaşları ilə söhbət aparılıb, repatriantların reabilitasiyası üzrə həyata keçirilən və planlaşdırılan tədbirlər barəsində məlumat əldə edilib. Görüş çərçivəsində repatriantların yaşayış şəraiti, psixoloji durumu və ehtiyacları qiymətləndirilib, onların hüquqlarının müdafiəsi, həmçinin sosial, səhiyyə, təhsil, məşğulluq və digər müvafiq dövlət xidmətlərindən istifadəsi ilə bağlı tövsiyələr verilib.

Görüşdə repatriantlara Müvəkkilin fəaliyyət istiqamətləri və ona müraciət imkanları barədə ətraflı məlumat verilib.

Qeyd edək ki, bu il iyunun 3-də 9-u uşaq olmaqla daha 13 Azərbaycan Respublikası vətəndaşının Suriya Ərəb Respublikasından ölkəyə repatriasiyası həyata keçirilib.

Oxşar xəbərlər

Ötən il Ombudsman Suriyadan gətirilən 31 repatriantla görüş keçirib

Ombudsmanın nümayəndələri Suriyadan Azərbaycana gətirilmiş vətəndaşların problemlərini öyrənib

Ombudsmanın nümayəndələri Suriayadan Azərbaycana gətirilmiş vətəndaşların problemlərini öyrənib

Suriya və İraqdan 8 nəfər Azərbaycana repatriasiya edilib

Bu ilin ötən dövründə 271 repatriantla sosial reabilitasiya işi aparılıb