Dini Qurumlarla İş üzrə Dövlət Komitəsinin sədri Ramin Məmmədovun başçılığı ilə Rumıniyada səfərdə olan nümayəndə heyəti dini ibadət yerlərini ziyarət edib.

"Report"un məlumatına görə, nümayəndə heyətinin üzvləri martın 2-də Sinaya şəhərində Rumıniya pravoslav kilsəsinə məxsus Sinaya, Buşteni şəhərində "Müqəddəs Xaç" Karayman monastırlarını və Braşov şəhərində yerləşən Augsburg Konfessiyası Yevangelist kilsəsinə məxsus "Qara kilsə"ni ziyarət edib.

Ziyarət zamanı Azərbaycan nümayəndə heyətinə Rumıniyanın dini icmalarının fəaliyyəti və kilsələrin tarixi barədə geniş məlumat verilib.

Dini Qurumlarla İş üzrə Dövlət Komitəsinin sədri dini ibadət yerləri ilə tanışlıq zamanı dini icma rəhbərlərinə ölkəmizdə dini etiqad azadlığının təmin edilməsi üçün yaradılan şərait, Azərbaycanda mövcud olan uğurlu dövlət-din münasibətləri modeli, habelə ölkəmizin konfessiyalararası anlaşma və dinlərarası dialoqun təşviqi sahəsindəki beynəlxalq təşəbbüslərindən bəhs edib. Azərbaycanla Rumıniya arasında bütün digər sahələrdə olduğu kimi dini məsələlər və multikulturalizm ənənələrinin təşviqi istiqamətində əməkdaşlıq üçün geniş imkanların mövcud olduğunu bildirib.

Oxşar xəbərlər

Dini Qurumlarla İş üzrə Dövlət Komitəsinin sədri vəzifəsini kim icra edəcək?

Dini Qurumlarla İş üzrə Dövlət Komitəsinin kollegiyasının tərkibi dəyişib

Azərbaycanda dini qurumlarla bağlı yeni qanun layihəsi hazırlana bilər

Dini təhsili olmayanlar məscidlərdən uzaqlaşdırılır

Ramin Məmmədov Göygöldə vətəndaşları qəbul edib