Naxçıvan Daxili İşlər Nazirliyi muxtar respublikada uşaq oğurluğu hallarının olması ilə bağlı sosial şəbəkələrdə yayılan məlumatları təkzib edib.

Axar.az Report-a istinadən xəbər verir ki, bununla bağlı məlumatlar həqiqəti əks etdirmədiyi bildirilib.

"Naxçıvan Muxtar Respublikasında uşaq oğrularının dolaşması barədə Vatsap hesabları vasitəsilə insanlara göndərilən xəbərlər tamamilə dezinformasiyadır", - nazirlikdən qeyd olunub.

Xatırladaq ki, Vatsap proqramı vasitəsilə sakinlərə Naxçıvanda uşaq oğrularının olduğu barədə mesajlar göndərilib. İddiaya görə, naməlum şəxslər Qaraxanbəyli məktəbinin qarşısında 5-ci sinif şagirdini oğurlamağa cəhd ediblər. Həmin mesajlarda bir qadının evləri dolaşaraq uşaqların sayını dəqiqləşdirdiyi bildirilir.

Oxşar xəbərlər

Azərbaycanda yeni nazirlik yaradıldı

Naxçıvan Muxtar Respublikasının Medianın İnkişafı Agentliyi ləğv edilib

Naxçıvan Muxtar Respublikasının Televiziya və Radio Şurası ləğv edilib

Naxçıvanda daha bir vəzifəli şəxs işdən çıxarıldı

Naxçıvan əmək və əhalinin sosial müdafiəsi nazirinə yeni müavin təyin edilib