Qızılca yüksək yoluxuculuq qabiliyyətinə malik xəstəlikdir. Peyvəndlənmə qızılca xəstəliyinə qarşı ən effektiv profilaktika üsul hesab olunur. Hazırda vəziyyət kifayət qədər nəzarət altındadır və yoluxmalar daha çox məktəb və bağça yaşlı uşaqlar arasında üstünlük təşkil edir.

Sizinxəbər.az xəbər verir ki, bunu Azərtaca-a müsahibəsində TƏBİB-in icraçı direktoru Vüqar Qurbanov deyib.

“Bu xəstəlik uşaqlıq dövrünün infeksion xəstəliklərindən hesab olunur, virus mənşəli xəstəlikdir və özü sağalan xəstəliklər qrupuna daxildir. Yəni bu, o deməkdir ki, xəstəliyin xüsusi spesifik müalicəsi yoxdur. Qızılca xəstəliyi adətən stasionar müalicəyə ehtiyacı olmayan, ev şəraitində izolyasiya olunaraq müalicə edilən xəstəlikdir. Bu xəstələr ailə sağlamlıq mərkəzlərinin həkimləri tərəfindən nəzarətə götürülür. Bəzən yoluxmuş şəxslərdə xəstəliyin ağırlaşma halları baş verə bilər. Bunlara pnevmoniya, orta qulağın iltihabı, bağırsaq mənşəli ağırlaşmalar, ensefalit, meningit və s. aiddir. Belə olan hallarda xəstələr TƏBİB-in tabeli tibb müəssisələrində fəaliyyət göstərən yoluxucu xəstəliklər şöbələrinə yatırılaraq müalicəyə cəlb olunurlar. Onu da qeyd edim ki, müalicə xərcləri icbari tibbi sığorta üzrə xidmətlər zərfi çərçivəsində ödənilir.

Təəssüf ki, əksər hallarda ağırlaşma halları ilə müraciət edən xəstələr qızılca əleyhinə peyvənd olunmamışlar olur. Bu isə peyvəndin nə dərəcədə effektiv müalicə üsulu olduğunu bir daha sübut edir”, - Qurbanov bildirib.

Oxşar xəbərlər

Azərbaycanda qızılca ilə bağlı son durum açıqlanıb [xfgiven_updateblue][/xfgiven_updateblue]

Hansı şəxslər qızılca əleyhinə peyvənd olunmayacaq? [xfgiven_updateblue][/xfgiven_updateblue]

Qaxda iki uşaq qızılcaya yoluxdu [xfgiven_updateblue][/xfgiven_updateblue]

Səhiyyə Nazirliyi qızılca xəstəliyi ilə bağlı vətəndaşlara müraciət edib [xfgiven_updateblue][/xfgiven_updateblue]

"İstər böyük, istər uşaq olsun, hər kəs risk altındadır" - İnfeksionistdən qızılca ilə bağlı ÇAĞIRIŞ [xfgiven_updateblue][/xfgiven_updateblue]