Ağdamın işğaldan azad edilmiş ərazilərində dörd məntəqədə seçki prosesi keçirilir.

Sizinxeber.az-nın Qarabağ müxbiri xəbər verir ki, məntəqələrdə seçici fəallığı müşahidə olunur.

48 saylı seçki məntəqəsinin sədri Arzu Rəhimova seçkilərin şəffaf və demokratik keçirilməsi üçün hər cür şərait yaradıldığını, o cümlədən neqativ halın müşahidə edilmədiyini bildirib.

O, həmçinin səsvermənin gedişini 8 yerli, həmçinin MDB-dən gəlmiş müşahidəçinin izlədiyini qeyd edib.

Qeyd edək ki, Milli Məclisə növbədənkənar seçkilərlə bağlı Ağdam rayonunun işğaldan azad edilmiş ərazilərində 118 saylı Ağdam-Xocalı seçki dairəsinin dörd məntəqəsi yaradılıb.

48 saylı məntəqə Ağdam şəhəri Konfrans Mərkəzində, 49 saylı məntəqə “Azərenerji” ASC-nin binasında, 50 saylı məntəqə Kəngərli kəndində, 51 saylı məntəqə Xıdırlı kəndində təşkil edilib.

Oxşar xəbərlər

Azad edilmiş ərazilərdə saat 10:00-a olan seçici fəallığı açıqlanıb

Xocalıda səsvermə keçirilir - FOTO

Azad edilmiş ərazilərdə saat 12:00-a olan seçici fəallığı açıqlanıb - YENİLƏNİB

MDB PA müşahidəçiləri: Seçicilərin azad şəkildə öz fikirlərini ifadə etməsi üçün hər cür şərait yaradılıb - FOTO

Şuşadakı seçki məntəqəsinin sədri: Yerli və beynəlxalq müşahidəçilər səsvermə prosesini izləyir