“Azərsun Holdinq”in təşəbbüsü ilə Azərbaycanda ilk dəfə gənclər arasında marketinq müsabiqəsi təşkil olunub. Unikal təcrübə qazandıran “Brand Boom” layihəsinin məqsədi tələbələrə məhsul yeniliyi təklifi vermək, onun marketinq mərhələlərini hazırlamaq və ən əsası, komandada iş bacarıqlarını inkişaf etdirməkdir. Bu müsabiqə eyni zamanda gənclərə innovativ düşünmə, marketinq strategiyalarını hazırlama və real layihələrlə işləmək imkanı yaradıb. Ölkəmizdə ilk dəfə təşkil olunan “Brand Boom” böyük marağa səbəb olub.

Beş mərhələdən ibarət olan layihədə tələbələr öz yenilikçi ideyalarını təqdim edib, növbəti mərhələdə layihələrinə dəstək olacaq peşəkarlarla görüş keçiriblər. Sonda isə hazır olan layihələrin təqdimatı olub və qalib komanda müəyyən edilib. Müsabiqə nəticəsində ilk yeri “TrueMUN”, ikinci yeri “BuzzMasters”, üçüncü yeri “R.A.R Crew” və “Chill Group” komandaları, özəl jüri mükafatını isə “SPARK” qazanıb

Qeyd edək ki, layihə “Azərsun Holdinq”in “Feel True”, “Coolmix” “Pure Sense” markaları ilə birgə ərsəyə gətirilib.

Gənclərin marketinq sahəsində geniş təcrübə əldə etməsini hədəfləyən “Brand Boom” layihəsi ilə bağlı ətraflı məlumatı aşağıda qeyd olunan saytdan əldə edə bilərsiniz.

Brandboom | Tələbə Marketinq Müsabiqəsinin Detalları

Oxşar xəbərlər

“Azərsun Holdinq”in minifutbol komandası ikiqat Avropa çempionu olub - FOTO

“Azərsun” COP29-un ilk günündə keçirəcəyi tədbirləri açıqladı

“Azərsun” Mavi Zonada su ehtiyatlarının dayanıqlığı mövzusunda panel müzakirəsi təşkil edib

Leyla Əliyeva COP29-da “Azərsun Holdinq” pavilyonu ilə tanış olub - FOTO

“Azərsun Holdinq”in COP29 hazırlıqları yekunlaşmaq üzrədir