Azərbaycana səfər Azərbaycan-Almaniya ikitərəfli münasibətlərini və Cənubi Qafqazda sülh prosesini müzakirə etmək üçün yaxşı fürsətdir.

“Sizinxeber.az”un əməkdaşının məlumatına görə, bunu Almaniya Prezidenti Frank-Valter Ştaynmayer Azərbaycan Prezidenti İlham Əliyevlə nümayəndə heyətləri tərkibində keçirilən görüşdə bildirib.

F.Ştaynmayer xatırladıb ki, Azərbaycana son səfəri 9 il əvvəl, xarici işlər naziri vəzifəsində olduğu zaman baş tutub.

"O vaxtdan bəri ciddi geosiyasi dəyişikliklər baş verib. Bakıya qayıtmağıma şadam. Bu, geniş fikir mübadiləsi aparmaq, xüsusilə ikitərəfli münasibətlərin inkişafı və Ermənistanla sülh prosesi məsələlərini müzakirə etmək üçün yaxşı fürsətdir", - Prezident bildirib.

Almaniya Prezidenti, həmçinin xatırladıb ki, 2023-cü ildə Qazaxıstana səfəri çərçivəsində ticarət limanlarını və logistika mərkəzlərini ziyarət edib, o cümlədən “Zərifə Əliyeva” adlı gəmi-bərəsində olub: 

"Bu gəmi həmçinin Azərbaycan ərazisidir. O zaman deyə bilərəm ki, bu səfərdən əvvəl Azərbaycan ərazisində iki dəfə olmuşam".

Oxşar xəbərlər

Nikol Paşinyan və Frank-Valter Ştaynmayer Azərbaycanla Ermənistan arasında sülh prosesini müzakirə ediblər

Almaniya Prezidenti Azərbaycana səfər edəcək

Almaniya Prezidenti Frank-Valter Ştaynmayer Azərbaycana rəsmi səfərə gəlib

Ştaynmayer: Almaniya və bütün Avropa Cənubi Qafqazda sabitlik olmasında maraqlıdır

İlham Əliyevin Almaniya Prezidenti ilə geniş tərkibdə görüşü olub - YENİLƏNİB