Azərbaycanın Türk Dövlətləri Təşkilatı çərçivəsində tərəfdaşlıq və inteqrasiyanın inkişafına verdiyi mühüm töhfə təkcə üzv dövlətlərimiz üçün deyil, həm də regionumuzda sülhün, sabitliyin, təhlükəsizliyin və firavanlığın möhkəmlənməsində mühüm rol oynayıb.

“Report” xəbər verir ki, bu fikirlər Türk Dövlətləri Təşkilatının Baş katibi Kubanıçbek Ömüralıyevin “X”dəki hesabında 28 May Müstəqillik Günü münasibətilə Azərbaycan hökumətinə və Azərbaycan xalqına təbrikində yer alıb.

“Türk dövlətləri arasında qardaşlıq və dostluq prinsipləri əsasında qurulmuş TDT müstəqillik, suverenlik, ərazi bütövlüyü və beynəlxalq səviyyədə tanınmış sərhədlərin toxunulmazlığı kimi fundamental dəyərlərə sadiqliyini qətiyyətlə dəstəkləyir. Fürsətdən istifadə edərək TDT-yə davamlı dəstəyə görə Azərbaycan Respublikasına bir daha dərin minnətdarlığımı bildirmək istərdim. Bu mühüm hadisə ilə əlaqədar bütün Azərbaycan xalqına rifah və firavanlıq arzularımı çatdırıram”, - Kubanıçbek Ömüralıyev qeyd edib.

Oxşar xəbərlər

TDT ilə TİKA arasında Anlaşma Memorandumu imzalanıb

İlham Əliyev: “Bu gün TDT beynəlxalq səviyyədə böyük siyasi çəkiyə və nüfuza malikdir”

Prezident: Müştərək səylərlə elə etməliyik ki, Türk Dövlətləri Təşkilatı qlobal arenada önəmli aktora və güc mərkəzinə çevrilsin

Türk Dövlətləri Təşkilatı iqlim dəyişmələri üzrə fəaliyyətlərə başlayıb

ICESCO-nun Baş direktoru Prezident İlham Əliyevi təbrik edib