Bakı ilə Aşqabad arasında iqtisadi əlaqələrin genişləndirilməsi üçün böyük potensial var.

“Report” xəbər verir ki, bu barədə Azərbaycan xarici işlər nazirinin müavini Fariz Rzayev Bakıda Türkmənistanın müstəqilliyinin 33 illiyinə həsr olunmuş tədbirdə bildirib.

“Azərbaycanla Türkmənistan arasında iqtisadi əlaqələrin genişləndirilməsi üçün böyük potensial var və bu baxımdan iqtisadi və humanitar sahələrdə əməkdaşlıq üzrə Birgə Hökumətlərarası Komissiyanın fəaliyyətini xüsusilə qeyd etmək istərdim.

Eyni zamanda humanitar, mədəniyyət, elm və təhsil sahələrində əməkdaşlıq üçün imkanlar var və bu imkanlar xalqlarımızın bir-birini daha yaxından tanımasına və əlaqələrimizin dərinləşməsinə kömək edəcək”, - o deyib.

Diplomat həmçinin Azərbaycan ilə Türkmənistan arasında tərəfdaşlıq və qarşılıqlı faydalı əməkdaşlığın inkişaf edəcəyinə və genişlənəcəyinə əminliyini ifadə edib.

Oxşar xəbərlər

Fariz Rzayev: “Azərbaycan və Serbiya bütün sahələrdə konstruktiv əməkdaşlığı davam etdirəcək”

Baş nazir Əli Əsədov Serbiyanın mədəniyyət naziri ilə görüşüb

Vilnüsdə Azərbaycanla Litva arasında siyasi məsləhətləşmələrin növbəti iclası olub

Samir Şərifov Belarus xarici işlər nazirinin müavini ilə görüşüb

Şahin Mustafayev: Bakı enerji sahəsində Daşkəndlə əməkdaşlıq üçün böyük perspektivlər görür