Azərbaycanın Böyük Britaniyadakı səfiri Elin Süleymanov "The Guardian" qəzetində Azərbaycanla bağlı dərc edilmiş məqaləyə cavab verib.

Səfirlikdən “Sizinxeber.az”a bildirilib ki, diplomat cavab məktubunda olimpiya oyunlarında olduğu kimi, Azərbaycanın COP29 tədbiri keçirildiyi müddətdə dünyada davam edən münaqişə tərəflərini hərbi əməliyyatları dayandırmaqla atəşkəsə dəvət etdiyini vurğulayıb.

Azərbaycan və Ermənistan arasında münaqişə 30 ildən artıq davam edib və iki ölkə arasında hazırda aparılan sülh danışıqlarının nəticəsi olaraq COP29-a ev sahibliyi etməsi üçün ölkəmizin namizədliyinin Ermənistan tərəfindən dəstəklənməsi təqdir edilməlidir. Tərəflər son 30 ildə sülhə hələ bu qədər yaxın olmayıb və dünyada geosiyasi gərginliyin artdığı zamanda Azərbaycan və Ermənistan arasında aparılan sülh danışıqları ümidvericidir.

Eyni zamanda Azərbaycanın silahlı qüvvələrinin mövcud olmasının sülhə təhlükə törətdiyini iddia etmək əsassızdır. Bu məntiqlə bütün dünya dövlətləri sülhməramlı fəaliyyətdən imtina etməli və BMT Təhlükəsizlik Şurası buraxılmalıdır. Odur ki, Azərbaycanın COP29 qlobal atəşkəs təşəbbüsü nə "ikiüzlülük", nə də "süni PR" kimi qiymətləndirilə bilər.

Ermənistan tərəfindən onilliklər boyu qeyri-qanuni işğal altında saxlanılan torpaqlarda Azərbaycanın "etnik təmizləmə" həyata keçirdiyi iddiası dəfələrlə təkzib olunub. Hətta Ermənistanın təşəbbüsü ilə çağırılmış BMT Təhlükəsizlik Şurasının iclasında da bu qənaətə gəlinib. Həmin torpaqların statusu isə heç vaxt "mübahisəli" olmayıb. BMT və dünyanın hər bir dövləti, o cümlədən Ermənistanın hazırkı rəhbərliyi həmin əraziləri Azərbaycanın suveren ərazisi kimi tanıyır.

Oxşar xəbərlər

Ermənistan Azərbaycanla sülh sazişi imzalamaq üçün cavab təklifləri paketi hazırlayır [xfgiven_updateblue][/xfgiven_updateblue]

Britaniya Parlamentində Azərbaycanla Ermənistanın birgə bəyanatına dəstək ifadə olundu [xfgiven_updateblue][/xfgiven_updateblue]

ABŞ Dövlət Departamenti: “Azərbaycanla Ermənistan arasında sülh sazişi əldə oluna biləcək məsafədədir” [xfgiven_updateblue][/xfgiven_updateblue]

Londonda “Diplomat” jurnalında ADR-in nailiyyətləri barədə məlumat verilib [xfgiven_updateblue][/xfgiven_updateblue]

Ermənistan XİN: “Alma-Ata Bəyannaməsinin yerinə yetirilməsi Azərbaycanla sülhü mümkün edəcək” [xfgiven_updateblue][/xfgiven_updateblue]