Bakıda yaxın zamanlarda Azərbaycan-Ukrayna Hökumətlərarası Komissiyasının iclası keçiriləcək

Azərbaycan və Ukrayna prezidentləri İlham Əliyev və Volodimir Zelenski tezliklə Bakıda Hökumətlərarası Komissiyanın iclasının keçirilməsi barədə razılıq əldə ediblər.

"Report"un məlumatına görə, bu barədə dövlət başçıları arasında Ukrayna Prezidentinin təşəbbüsü ilə baş tutan telefon danışığı zamanı müzakirə aparılıb.

Telefon söhbəti əsnasında ölkələr arasında ikitərəfli münasibətlərin perspektivlərinə dair fikir mübadiləsi aparılıb, Hökumətlərarası Komissiyanın iclasının tezliklə Bakıda keçirilməsi ilə bağlı razılıq əldə olunub. Azərbaycanın və Ukraynanın ərazi bütövlüyünə və suverenliyinə bir daha qarşılıqlı dəstək ifadə edilib.