Sabiq xarici işlər naziri Elmar Məmmədyarovun Rusiyada səfir təyin olunacağı ilə bağlı məlumat yayılıb. Sentyabrın 1-də keçiriləcək Milli Məclisə növbədənkənar seçkidən sonra E.Məmmədyarovun səfir kimi Moskvaya göndəriləcəyi iddia edilib.

BAKU.WS xəbər verir ki, Elmar Məmmədyarov Musavat.com-a açıqlamasında xəbəri təkzib edib:

"Polad Bülbüloğlunu artıq seçmisiniz? Nəyə əsaslanaraq bu barədə xəbərin yazılması barədə məlumatım yoxdur. Kim mənə səfir olacağım barədə təklif edib?

Ortada bir şey yoxdur. Yalnız jurnalistlər yazırlar. Mənim üçün də çox maraqlıdır, zəng vurun soruşun, mənbəni haradan götürüblər...

Əvvəlcə Polad Bülbüloğu deputat seçilməlidir, sonra bu məsələyə toxunmaq olar. Məni səfir görmək istəyirsinizsə, sizin əlinizdə olsaydı, mən deyərdim - hə (gülür). Amma bilirsiniz, sistem necə işləyir. Mənə təklif olunandan sonra bu məsələyə baxmaq olar. Məsələni həll etmək üçün bu yetişməlidir, ortaya çıxmalıdır".

Xatırladaq ki, Polad Bülbüloğlu 124 saylı Şuşa-Ağdam-Xocavənd Seçki Dairəsindən namizədliyini irəli sürüb.

BAKU.WS

Oxşar xəbərlər

“Mən heç vaxt kasıb insan olmamışam” - Elmar Məmmədyarov

MSK: Polad Bülbüloğluna deputatlığa namizədlik üçün imza vərəqələri təqdim edilib

Polad Həşimov şəhid olanda Xudayar dedi ki... - Şəhidimizin anası

Tanınmış hərbçi qəza törətdi, xanımı dünyasını dəyişdi

Təqsirsiz olduğu halda həbs olunan və dörd il sonra bəraət alan şəxs: “Mənəvi zərəri kim ödəyəcək?” - VİDEO