Bu gün Başlıbel faciəsinin ildönümüdür.

APA-nın məlumatına görə, 1993-cü ilin aprelində Ermənistanın Kəlbəcər rayonunu işğalı zamanı Başlıbel kəndində törətdiyi qırğından 31 il ötür.

Bu cinayət nəticəsində içərisində uşaqların, qadınların, əlilliyi olan şəxslərin, ahılların da olduğu kənd əhalisi işgəncələrə məruz qalmaqla kütləvi şəkildə qətlə yetirilib, hətta bəziləri diri-diri yandırılıb.

Başlıbel kəndinin Ermənistan tərəfindən işğalı zamanı 62 dinc sakin xilas olmaq məqsədilə mağaraya sığınıb, lakin ermənilər onların yerini aşkarladıqda silahlı hücuma keçərək qətliam törədiblər.

Kəlbəcər rayonu işğaldan azad edildikdən sonra Azərbaycan tərəfi Ermənistan silahlı qüvvələrinin amansızcasına qətlə yetirdiyi həmin şəxslərin meyitlərinin həmkəndliləri tərəfindən mağara yaxınlığında dəfn olunduğu yeri aşkar edib. Kütləvi şəkildə qətlə yetirilmiş həmin sakinlərin qalıqları ekshumasiya edilməklə şəxsiyyətləri müəyyənləşdirilib və ayrı-ayrı dəfn olunub.

Sağ qalan şahidlərin ifadələri də təsdiq edir ki, Başlıbel qətliamı zamanı sakinlər arasında girov götürülənlər olub və bugünədək itkin hesab olunanlar var.

Kəlbəcər rayonunun ən qədim və böyük kəndlərindən biri olan Başlıbelin tarixi, mədəni və dini obyektləri işğal zamanı dağıdılaraq məhv edilib.

Oxşar xəbərlər

Ağdaban faciəsindən 33 il ötür [xfgiven_updateblue][/xfgiven_updateblue]

Ağdaban qətliamından 32 il ötür [xfgiven_updateblue][/xfgiven_updateblue]

Ombudsman Xocalı soyqırımının ildönümü ilə bağlı bəyanat yayıb [xfgiven_updateblue][/xfgiven_updateblue]

Ombudsman Xocalıda aşkarlanan kütləvi məzarlıqla bağlı çağırış edib [xfgiven_updateblue][/xfgiven_updateblue]

Ağdaban qətliamından 33 il ötür [xfgiven_updateblue][/xfgiven_updateblue]