“Biz Cəbrayıldan çıxanda yaşım çox az idi. Uzun illər ərzində vaqonlarda, məktəblərdə yaşamışıq”.

“Sizinxeber.az” xəbər verir ki, bu sözləri bu gün Cəbrayıl şəhərinə köç edən keçmiş məcburi köçkün Qasımlı Gündüz deyib.

“Geri qayıdanda inanıram ki, rayonumuzun inkişafında bizim də rolumuz olacaq. Çox sevincliyəm ki, doğma torpağımıza gedirik. Şəhidlərimizə rəhmət, qazilərimizə Allahdan şəfa diləyirəm. Bu şəraiti bizə yaradan Prezident, Ali Baş Komandan İlham Əliyevə minnətdarıq”,-deyə o, vurğulayıb.

Qeyd edək ki, bu gün Cəbrayıl şəhərinə növbəti köç karvanı yola salınır. Bu mərhələdə 40 ailə (123 nəfər) öz doğma yurduna köçürülür. Bununla da Cəbrayıl şəhərində ümumilikdə 117 ailənin (364 nəfərin) məskunlaşması təmin edilib.

Oxşar xəbərlər

Keçmiş məcburi köçkün: Cəbrayıla çatanda ilk torpağını öpəcəm

Keçmiş məcburi köçkün: "30 yaşında çıxdığım Şuşama 65 yaşında qayıdıram"

Keçmiş məcburi köçkün: "30 yaşımda çıxdığım Şuşama 65 yaşımda qayıdıram"

Böyük Qayıdış: Növbəti köç karvanı Cəbrayıl şəhərinə yola salınıb

Cəbrayıl şəhərinə növbəti köç karvanı yola salınıb - FOTO