Türk dövlətləri təhlükəsizlik sahəsində əməkdaşlığı möhkəmləndirməlidir.

Trend xəbər verir ki, bunu Qazaxıstanın Prezidenti Kasım-Jomart Tokayev Türk Dövlətləri Təşkilatının (TDT) dövlət başçılarının Astanada keçirilən 10-cu Zirvə Toplantısında əsas məruzə ilə çıxışında deyib.

"Dünyada qeyri-sabit vəziyyət qalmaqdadır. Beynəlxalq vəziyyət səbatsız olaraq qalır. Hazırkı narahat vəziyyətdə türk xalqlarının birliyini möhkəmləndirmək çox vacibdir. Bu, ümumi təhlükəsizliyimizin etibarlı təminatıdır. Silah və narkotik ticarəti, terrorizm, ekstremizm, miqrasiya ilə əlaqəli çağırışlar artmaqdadır. Bu kimi təhdidlərin qarşısını almaq üçün təhlükəsizlik sahəsində əməkdaşlıq möhkəmləndirilməlidir", - deyə o qeyd edib.

Tokayev gələn il Astanada Təhlükəsizlik Şurasının baş katiblərinin üçüncü görüşünü keçirməyi təklif edib.

"Cinayətkarlıqla birgə mübarizə və türk dövlətlərinin maliyyə tədqiqat orqanları arasında məlumat mübadiləsinə dair sazişin imzalanması vacibdir", - deyə Tokayev əlavə edib.

(Tərcümə: Rəna Əbdürəhmanova)

Oxşar xəbərlər

Prezident: “Azərbaycan Türk dövlətlərinin iqtisadiyyatına 20 milyard ABŞ dollarından çox sərmayə qoyub”

İlham Əliyev: “TDT ölkələri arasında təhlükəsizlik, müdafiə kimi sahələrdə əməkdaşlıq artmalıdır”

İlham Əliyev: “Bu gün TDT beynəlxalq səviyyədə böyük siyasi çəkiyə və nüfuza malikdir”

Kasım-Jomart Tokayev: “Qazaxıstan Azərbaycanın SPECA-nın inkişafına töhfəsini alqışlayır”

Prezident: “Azərbaycan Şərq-Qərb Nəqliyyat Dəhlizinin dayanıqlı fəaliyyətinə dəyərli töhfəsini verir”