Qarabağ sakinlərinin Ermənistana köçürülməsi onların öz evlərində yaşaması mümkün olmadıqda baş verə bilər, ermənilərin Qarabağdan köçürülməsi İrəvanın əsas planı deyil.

Axar.az xəbər verir ki, bunu Ermənistanın Baş naziri Nikol Paşinyan hökumətin bugünkü iclası zamanı deyib.

“Vəziyyət düzəlməsə, o zaman problem gündəmimizdə olacaq. Amma nəzərinizə çatdırmaq istəyirəm ki, hələ sentyabrın 19-da, aksiyalar başlayan gün mən Baş nazirin müavini Tiqran Xaçatryana tapşırmışdım ki, Qarabağdan insan axını baş verərsə, həmvətənlərə necə kömək etmək məsələsini hökumət tərəfdaşları ilə müzakirə etsin”, - o bildirib.

Paşinyan bir daha xatırladıb ki, yaşayış üçün 40 mindən çox yer hazırlanıb (B planı), qida və dərman məsələləri həll olunub:

“Biz hazırıq və hazırlaşmağa davam edirik. Bu, Qarabağdan olan həmkarlarla razılaşdırılmış mövqedir”.

Oxşar xəbərlər

Qarabağdan gedən ermənilərin sayı açıqlandı

Paşinyan hansı halda istefa verə biləcəyini AÇIQLADI

ABŞ Qarabağdan köçən ermənilər üçün 5 milyon avro ayrıldı

Qarabağdan “son erməni sakin” çıxdı: Bəs, “liderlər”?

Paşinyan Lavrovun açıqlamasını vecinə almadı