Mərkəzi Elmi Kitabxanada jurnalist, yazıçı-publisist, "bizimyol.info" saytının təsisçisi və baş direktoru Bahəddin Həzinin yeni kitabının təqdimatı keçirilib.

APA xəbər verir ki, kitabın təqdimat mərasimində yazıçının qələm dostları, mədəniyyət-ictimaiyyət nümayəndələri iştirak ediblər.

Tədbiri giriş sözü ilə tanınmış jurnalist Qulu Məhərrəmli açıb. O, Bahəddin Həzinin “Göyün cazibə qüvvəsi” kitabı haqqında məlumat verib.

Daha sonra yazıçı Seyran Səxavət, deputat Qüdrət Həsənquliyev və digərləri çıxış edib.

Sonda müəllif oxucular üçün kitab imzalayıb.

Qeyd edək ki, kitabın redaktorları Orxan Musa və Mübariz Piridir. "Göyün cazibə qüvvəsi" Bahəddin Həzinin sayca ikinci kitabıdır. Bundan əvvəl müəllifin "Ölümcül həqiqətlər" kitabı çap olunub və maraqla qarşılanıb.

Oxşar xəbərlər

Mətbuat Şurasında Bahəddin Həzinin yubileyi qeyd olunub - FOTO

Yazıçı Vüqar Vanın yeni romanının təqdimatı olub

Mərhum yazıçı Günel Eminlinin "Kimya gündəliyi" adlı kitabı çap edilib

Tağıyevin həyatından bəhs edən kitabın təqdimatı olub - FOTO

Ulucay Akifin kitabı Təbrizdə çap olunub