Fövqəladə Hallar Nazirliyi yanında İctimai şuranın üzvləri Naxçıvan Muxtar Respublikasına səfər ediblər.

Bu barədə Sizinxeber.az-ya FHN-in mətbuat xidmətindən məlumat verilib.

Bildirilib ki, səfərin məqsədi Naxçıvan Muxtar Respublikası Fövqəladə Hallar Nazirliyi tərəfindən əhali və ərazilərin təbii və texnogen xarakterli fövqəladə hallardan qorunması istiqamətində görülən işlərlə yerində tanışlıq olub.

Şura üzvləri səfər çərçivəsində Naxçıvan Muxtar Respublikası Fövqəladə Hallar Nazirliyində görüşlər keçirib, Nazirliyin fəaliyyəti ilə bağlı müzakirələr aparıblar. Görüşlərdə Naxçıvanda fövqəladə halların qarşısının alınması və nəticələrinin aradan qaldırılması sahəsində görülən işlər, əhalinin xəbərdar edilməsi və maarifləndirilməsi istiqamətində keçirilən tədbirlərlə bağlı fikir mübadiləsi aparılıb.

İctimai şura üzvləri, eyni zamanda Naxçıvan FHN-in struktur bölmələrinin fəaliyyəti ilə, o cümlədən Nazirliyin istifadəsində olan xüsusi təyinatlı texnika və avadanlıqarla tanış olublar.

Naxçıvan FHN Mülki müdafiə qoşunlarının “N” saylı hərbi hissəsinə baş çəkən Şura üzvləri şəxsi heyətlə görüşüb, idarəetmə, o cümlədən nizam-intizam, sanitar vəziyyət və təminat məsələləri ilə maraqlanıblar.

Səfər çərçivəsində FHN yanında İctimai şuranın üzvləri Heydər Əliyev Muzeyini ziyarət edib, Ulu Öndərin mənalı həyat və fəaliyyətini əks etdirən zəngin eksponatlar, şəxsi əşyalar, tarixi sənədlər və foto-materiallarla tanış olublar.

Oxşar xəbərlər

FHN yanında İctimai şuranın iclası keçirilib

Kəmaləddin Heydərov Naxçıvan şəhərində vətəndaşları qəbul edib

FHN yanında İctimai şuranın yeni tərkibdə ilk iclası keçirilib

FHN: Ötən sutka 27 yanğına çıxış olub, 1 nəfər xilas edilib

FHN: Ötən sutka 31 yanğına çıxış olub, 9 nəfər xilas edilib