Ana səhifə Sosial
Yazar Rss Bot Baku 06 avqust 2024 16:40 1 092 nəfər baxıb
Gəncə şəhərində "KOB FEST" sərgi-satış yarmarkası keçirilir - FOTO
sizinxeber.az xəbər saytı

Gəncə şəhərində "KOB FEST" sərgi-satış yarmarkası keçirilir - FOTO



Növbəti "KOB FEST" sərgi-satış yarmarkası Gəncə şəhərində keçirilir.
 
Sizinxeber.az xəbər verir ki, bu barədə Kiçik və Orta Biznesin İnkişafı Agentliyi məlumat yayıb.
 
Bildirilib ki, "Xan bağı"nda təşkil olunan yarmarkada Gəncə, eləcə də ətraf şəhər və rayonlardan olan 60-dan çox KOB subyektinin kənd təsərrüfatı və sənaye məhsulları, un məmulatları, qida, tekstil, sərinləşdirici içkilər, arıçılıq məhsulları, sənətkarların və yaradıcı şəxslərin əl işləri təqdim edilir və satılır.
 
Yarmarkanın açılış mərasimində çıxış edən Gəncə Şəhər İcra Hakimiyyətinin başçısı Niyazi Bayramov və KOBİA-nın İdarə Heyətinin sədri Orxan Məmmədov tədbirin bölgəyə xas olan məhsulların tanıdılması, KOB-ların satış imkanlarının genişləndirilməsi, yerli KOB-lar arasında əlaqələrin qurulması baxımından faydalı olduğunu qeyd ediblər.
 
"KOB FEST" çərçivəsində mədəni-əyləncəli proqram da təşkil olunub. Sərgi-satış yarmarkası avqustun 8-dək hər gün saat 10:00-dan 18:00-a qədər fəaliyyət göstərəcək.
 
Qeyd edək ki, "KOB FEST" sərgi-satış yarmarkaları regionlarda fəaliyyət göstərən mikro və kiçik sahibkarların istehsal etdiyi məhsul və xidmətlərin tanıdılması, satışına dəstək olmaq məqsədilə keçirilir. Bu tədbir, həmçinin, KOB subyektlərinə yeni əməkdaşlıqların qurulması, B2B görüşlərin keçirilməsi, mikro və kiçik sahibkarların satış bacarıqlarının inkişaf etdirilməsinə də öz töhfəsini verir. Gəncə şəhərindən əvvəl "KOB FEST" Bakı, Göygöl və Şəki şəhərlərində keçirilib. Bu yarmarkalarda ümumilikdə 180-ə yaxın KOB subyektinin məhsul və xidmətlərinin üç gün ərzində satışına dəstək göstərilib.
 
Sizinxeber.az
QALEREYA

Oxşar xəbərlər

Gəncədə “KOB FEST” sərgi-satış yarmarkası keçiriləcək [xfgiven_updateblue][/xfgiven_updateblue]
Bakıda arıçılıq məhsullarının növbəti Sərgi-Satış Yarmarkası keçiriləcək [xfgiven_updateblue][/xfgiven_updateblue]
Şaxta baba, Qar qız və satıcılar... - "Kənddən şəhərə" yarmarkasının bayram "süfrə"sindən video reportaj [xfgiven_updateblue][/xfgiven_updateblue]
Niyazi Bayramov Gürcüstanın Gəncədəki yeni Baş konsulu ilə görüşüb [xfgiven_updateblue][/xfgiven_updateblue]
Füzulidə növbəti əmək yarmarkası keçiriləcək [xfgiven_updateblue][/xfgiven_updateblue]

Ən son xəbərləri bizim

"Facebook" səhifəmizdə izləyin

Digər xəbərlər

Biz İzləyin

Ən çox oxunanlar

Resim Yükle

SON XƏBƏRLƏR

Daha Çox
Resim Yükle