Aqil Abbas polislərin maaşının artırılmasını istəyir: Ən az maaşı onlar alır

“Polisin gecəsi-gündüzü yoxdur. Amma ən az maaşı da polislər alır”.

APA xəbər verir ki, bunu Milli Məclisin bu gün keçirilən iclasında deputat Aqil Abbas deyib.

Deputat bildirib ki, postsovet məkanında ölkənin təhlükəsizliyinin formalaşdırılmasında ən fəal iştirak edən Azərbaycan polisidir: “Onların sosial şəraiti gücləndirilməlidir. Biz gecə rahat yatırıqsa, bizi qoruyan polislərin sayəsindədir. I və II Qarabağ savaşında da polislər qəhrəmanlıq göstəriblər. 62 polisə Milli Qəhrəman adı verilib. Mən çox arzulayıram ki, polislərin maaşı artırılsın”.