Əmək Məcəlləsinin 108-ci maddəsinin 1-ci hissəsinə əsasən Məcəllənin 91, 92 və 93-cü maddələrində nəzərdə tutulmuş hallar istisna olunmaqla, qalan iş yerlərində səsvermə, iş günü hesab edilməyən bayram günləri və Ümumxalq Hüzn günü qabağı iş gününün müddəti həftəlik iş günlərinin sayından asılı olmayaraq bir saat qısaldılır.

Bu barədə "Report"a Əmək və Əhalinin Sosial Müdafiəsi Nazirliyindən məlumat verilib.

Nazirlər Kabinetinin 2023-cü il 9 dekabr tarixli Qərarına əsasən iş və istirahət günlərinin ardıcıllığını təmin etmək məqsədilə 2024-cü ilin 4 və 5 yanvar iş günləri ilə müvafiq olaraq 2023-cü ilin 30 dekabr və 2024-cü ilin 7 yanvar istirahət günlərinin yerləri dəyişdirilib.

Bununla əlaqədar beşgünlük, həmçinin altıgünlük iş həftəsində 30 dekabr tarixi bayramqabağı iş günü olduğundan iş yerlərində (Məcəllənin 91, 92 və 93-cü maddələrində nəzərdə tutulmuş hallar istisna olunmaqla) həmin iş gününün müddəti bir saat qısaldılır.

Oxşar xəbərlər

2024-cü ilin qeyri-iş günləri açıqlandı [xfgiven_updateblue][/xfgiven_updateblue]

Yeni ildə 7 gün iş olmayacaq [xfgiven_updateblue][/xfgiven_updateblue]

Bayramdan sonra məktəblərdə tədrisin başlayacağı tarix açıqlanıb - RƏSMİ [xfgiven_updateblue][/xfgiven_updateblue]

Bakı metrosu bayram günlərində iş rejimini dəyişdirəcək [xfgiven_updateblue][/xfgiven_updateblue]

Kəmaləddin Heydərov əmr imzaladı [xfgiven_updateblue][/xfgiven_updateblue]