Böyük Britaniyanın BP neft-qaz şirkəti Azərbaycandakı əməliyyatları çərçivəsində planlı profilaktik işlərin aparılması üçün Xəzər dənizində yerləşən platformaların dayandırılmasını nəzərdə tutmayıb.

"APA-Economics" xəbər verir ki, bunu jurnalistlərə açıqlamasında "BP-Azerbaijan" şirkətinin mətbuat xidmətinin rəhbəri Tamam Bayatlı deyib.

“Bu ilə heç bir platformanın dayandırılması nəzərdə tutulmayıb”, - Tamam Bayatlı bildirib.

Qeyd edək ki, BP Azərbaycanda iki böyük karbohidrogen layihəsinin - “Azəri-Çıraq-Günəşli” neft-qaz yatağı bloku və “Şahdəniz” qaz-kondensat yatağının operatorudur.

Xat;rladaq ki, AÇG-də hasilat “Çıraq”, “Mərkəzi Azəri”, “Qərbi Azəri”, “Şərqi Azəri”, “Dərinsulu Günəşli”, “Qərbi Çıraq” və ACE platformalarından aparılır.

“Şahdəniz”də isə qazın və kondensatın istehsalı “Şahdəniz Alfa” və “Şahdəniz Bravo” platformalarında yerinə yetirilir.

Oxşar xəbərlər

"Şahdəniz"də “Alfa” platformasının işi tam bərpa olunub

AÇG və “Şahdəniz”dən indiyədək hasil olunan neft və qazın həcmi açıqlanıb

AÇG və “Şahdəniz”dən indiyədək 648 mln. ton neft hasil edilib