2024-cü ilin yanvar-iyun aylarında Bakı şəhərində sənayedə istehsal olunmuş malların və göstərilmiş xidmətlərin həcmi 26,3 milyard manat təşkil edib ki, bu da illik müqayisədə 11.1% azdır.

Bakı şəhər Statistika İdarəsindən “APA-Economics”ə verilən məlumata görə, sənaye məhsulunun 76,4%-i mədənçıxarma, 20,5%-i emal, 2,3%-i elektrik enerjisi, qaz və buxar istehsalı, bölüşdürülməsi və təchizatı, 0,8%-i isə su təchizatı, tullantıların təmizlənməsi və emalı sektorlarında istehsal olunub.

Qeyd edilib ki, sənayedə qeyri-dövlət sektorunun payı 83,3% olub. İstehsalın ümumi həcmində sənaye məhsulunun payı 90,2%, sənaye xarakterli xidmətlərin göstərilməsi isə 9,8% təşkil edib. İstehsal edilmiş məhsulun böyük hissəsi istehlakçılara göndərilmiş, əvvəlki dövrlərdə yaranmış ehtiyatlar da nəzərə alınmaqla sənaye müəssisələrinin anbarlarında 1 iyul 2024-cü il vəziyyətinə 512 milyon manatlıq hazır məhsul ehtiyatı olub.

Sənaye müəssisələrinin anbarlarında başqa müəssisələrdən alınmış və satış üçün nəzərdə tutulmuş 40,8 milyon manat məbləğində digər məhsullar da mövcud olub.

Oxşar xəbərlər

Azərbaycanda qeyri-neft sektorunda sənaye istehsalı 11%-dən çox artıb [xfgiven_updateblue][/xfgiven_updateblue]

Azərbaycanda əhali qaz istehlakını 4%-dən çox azaldıb [xfgiven_updateblue][/xfgiven_updateblue]

Bakıda altı ayda 15.9 mlrd. manatlıq məhsul satılıb [xfgiven_updateblue][/xfgiven_updateblue]

Mikayıl Cabbarov: Gəncədə sənaye zonası yaradılacaq [xfgiven_updateblue][/xfgiven_updateblue]

İZİA sədri: Sənaye zonalarına 864 mln. manat investisiya planlaşdırılır [xfgiven_updateblue][/xfgiven_updateblue]