Kəlbəcərdə Külək Elektrik Stansiyasının (KES) tikintisi çərçivəsində ölçmə işləri yekunlaşmaq üzrədir.

"APA-Economics" xəbər verir ki, bu barədə jurnalistlərə açıqlamasında Energetika Nazirliyi yanında Bərpa Olunan Enerji Mənbələri Dövlət Agentliyinin direktoru Cavid Abdullayev bildirib.

"Kifayət qədər maraqlı nəticələr var. Göstəricilər kifayət qədər ümidvericidir", - Cavid Abdullayev qeyd edib.

Xatırladaq ki, 2024-cü ilin noyabrın 20-də COP29 çərçivəsində Bərpa Olunan Enerji Mənbələri üzrə Dövlət Agentliyi, "Clean Energy Invest" MMC (AGEC-in törəmə şirkəti) və "Baltech Green" MMC arasında Kəlbəcər KES-in inkişafı ilə bağlı Anlaşma Memorandumu imzalanıb. Layihə dəniz səviyyəsindən 3 100 metr yüksəklikdə həyata keçiriləcək və ən hündür KES olacağı gözlənilir. "Clean Energy Invest" və "Baltech Green" layihə üçün birgə müəssisə yaradıblar.

Qeyd edək ki, 2025-ci ilin sonunda Kəlbəcərdə yüksək hündürlükdə ilkin gücü 240 MVt olacaq külək elektrik stansiyasının (KES) təməli qoyulub. İlkin gücü 240 MVt olacaq KES-in 2028-ci ilin əvvəlində kommersiya fəaliyyətinə başlayacağı gözlənilir. Layihə gələcəkdə 600 MVt gücə çatmaq potensialına malikdir.

Oxşar xəbərlər

Kəlbəcərdə ilk yerli külək elektrik stansiyası haqqında memorandum imzalanıb

Kəlbəcərdə ilk yerli külək elektrik stansiyasının yaradılmasına dair memorandum imzalanıb

Bu il "Xızı-Abşeron" Külək Elektrik Stansiyasının istismara verilməsi gözlənilir

Cavid Abdullayev: "Yaşıl Enerji Dəhlizi" ilə bağlı təhlillər yekunlaşmaq üzrədir"

Xəzərdə Külək Stansiyaları ilə bağlı Nazirlər Kabinetinə müraciət ediləcək