Bu ilin yanvar-aprel aylarında Azərbaycanda əsas kapitala 5069,3 milyon manat məbləğində, yaxud əvvəlki ilin müvafiq dövrü ilə müqayisədə 4,6% az investisiya yönəldilib.

Bu barədə "APA-Economics"ə Dövlət Statistika Komitəsindən bildirilib.

Dörd ayda neft-qaz sektoruna yönəldilmiş investisiyaların həcmi 22,7% azalıb, qeyri neft-qaz sektoruna yönəldilmiş investisiyaların həcmi isə 5,3% artıb. İstifadə olunmuş investisiyanın 2578,8 milyon manatı və ya 50,9%-i məhsul istehsalı sahələrinə, 1627,6 milyon manatı (32,1%-i) xidmət sahələrinə, 862,9 milyon manatı (17,0%-i) isə yaşayış evlərinin tikintisinə sərf olunub. Əsas kapitala yönəldilmiş investisiyaların 3772,4 milyon manatını və ya 74,4%-ni daxili investisiyalar təşkil edib. Əsas kapitala yönəldilmiş investisiyaların 3969,3 milyon manatı və ya 78,3%-i bilavasitə tikinti-quraşdırma işlərinin yerinə yetirilməsinə sərf olunub.

Oxşar xəbərlər

Ötən ay Azərbaycan iqtisadiyyatına 787 mln. manat investisiya yatırılıb

Əsas kapitala yönəldilmiş investisiya 16%-ə qədər artıb

10 ayda əsas kapitala 14 mlrd. manatdan çox vəsait yönəldilib

Bu il əsas kapitala 11.2 mlrd. manat investisiya yönəldilib

Yeddi ayda əsas kapitala 10 mlrd. manat vəsait yönəldilib