2025-ci ilin yanvar-mart aylarında Azərbaycandakı bank olmayan kredit təşkilatları (BOKT) 31.6 milyon manat xalis zərər ediblər.

"Sizinxeber.az-Economics" Azərbaycan Mərkəzi Bankına istinadən xəbər verir ki, ötən ilin müvafiq dövründə BOKT-lar 32.9 milyon manat xalis mənfəət əldə etmişdilər.

Qeyd edək ki, bu dövrdə BOKT-ların əməliyyat mənfəəti 51% artaraq 63.4 milyon manat təşkil edib.

Hesabat dövründə sözügedən kredit təşkilatlarının xalis faiz gəliri 39.8 mln. manat təşkil edib ki, bu da illik müqayisədə 25.9% çoxdur.

Qeyd edək ki, hesabat tarixinə BOKT-ların aktivləri əvvəlki ilin müvafiq dövrü ilə müqayisədə 14% artaraq 938.9 milyon manat, öhdəlikləri isə 12% artaraq 517.1 milyon manat təşkil edib.

2025-ci aprel ayının 1-nə BOKT-ların cəmi kapitalı 421.8 milyon manat olub ki, bu da illik müqayisədə 16.7% çoxdur.

Oxşar xəbərlər

Ötən il Azərbaycanda BOKT-lar 157 mln. manatdan çox xalis mənfəət əldə ediblər

Azərbaycan BOKT-larının xalis mənfəəti 3 dəfə artıb

"Bank BTB" bu ilin III rübünü zərərlə bitirib - HESABAT

"Bank Avrasiya"nın xalis mənfəəti və kredit portfeli azalıb - Hesabat

Ötən il əhali ASB-dən 17 milyondan çox depoziti geri çəkib - HESABAT